ليه زعلت منك يومها أوي كدة؟!
كل دة عشان ما عزمتنيش انا بالذات دونا عن كل أصحابنا يوم فرحك؟
ولا عشان أصلا اتجوزت واحدة تانية؟
ولا عشان حسستني وحسست كل اللي حولينا انك بتحبني ولما بدأت أطمن لك سيبتني ورحت اتجوزت من غير حتى ما تقول لي آسف... ما قدرتش أتجوزك انت... رجعت في رأيي...
تفتكر يعني كنت حلومك؟! أبدا... الحب مش بالعافية
أنا مش زعلانة أوي دلوقت... يمكن مش زعلانة منك خالص...
أصلا ما ليش حق أنسى حاجات تانية كتير أوي كويسة عملتها عشاني وأمسك في الغلطة دي بس وأحكم عليك ما تنفعش تكون حتى صديق...
كنت بتعاملني بطيبة وذوق... وكنت فاكرني في كل رحلاتك وأوقاتك الحلوة مع أصحابك لحد ما بقوا كلهم أصحابي
ولما علاء اتريق علي وأنا بفرجكم رسوماتي بالرصاص وسألني وكأني سفيهة "صرفتي كم على الأقلام الرصاص اللي ضيعتيها في الكراسة دي؟ّ"
انت طيبت خاطري بسرعة ورديت عليه بقسوة "وانت ايش فهمك في الفن والاحساس... انت فاكرها زيك؟"
وفاكرة كمان لمت القطر اتعطل بيك نزلت قعدت على قضيب السكة الحديد وطلبتني على التلفون... ولما سألتك "خير؟ حصل حاجة؟" لقيتك بتقول لي... "لا أبدا القطر عطلان ما لقيتش حد تاني ممكن أكلمه غيرك"
يبقى ما ليش حق أزعل منك... كان لازم أفتكر لك الحاجات الكويسة وافتكر انها كانت أكتر بكتير من الحاجة الوحيدة اللي زعلتني منك...
أنا آسفة اني زعلت منك... أنا دلوقت مش زعلانة خلاص...
كل دة عشان ما عزمتنيش انا بالذات دونا عن كل أصحابنا يوم فرحك؟
ولا عشان أصلا اتجوزت واحدة تانية؟
ولا عشان حسستني وحسست كل اللي حولينا انك بتحبني ولما بدأت أطمن لك سيبتني ورحت اتجوزت من غير حتى ما تقول لي آسف... ما قدرتش أتجوزك انت... رجعت في رأيي...
تفتكر يعني كنت حلومك؟! أبدا... الحب مش بالعافية
أنا مش زعلانة أوي دلوقت... يمكن مش زعلانة منك خالص...
أصلا ما ليش حق أنسى حاجات تانية كتير أوي كويسة عملتها عشاني وأمسك في الغلطة دي بس وأحكم عليك ما تنفعش تكون حتى صديق...
كنت بتعاملني بطيبة وذوق... وكنت فاكرني في كل رحلاتك وأوقاتك الحلوة مع أصحابك لحد ما بقوا كلهم أصحابي
ولما علاء اتريق علي وأنا بفرجكم رسوماتي بالرصاص وسألني وكأني سفيهة "صرفتي كم على الأقلام الرصاص اللي ضيعتيها في الكراسة دي؟ّ"
انت طيبت خاطري بسرعة ورديت عليه بقسوة "وانت ايش فهمك في الفن والاحساس... انت فاكرها زيك؟"
وفاكرة كمان لمت القطر اتعطل بيك نزلت قعدت على قضيب السكة الحديد وطلبتني على التلفون... ولما سألتك "خير؟ حصل حاجة؟" لقيتك بتقول لي... "لا أبدا القطر عطلان ما لقيتش حد تاني ممكن أكلمه غيرك"
يبقى ما ليش حق أزعل منك... كان لازم أفتكر لك الحاجات الكويسة وافتكر انها كانت أكتر بكتير من الحاجة الوحيدة اللي زعلتني منك...
أنا آسفة اني زعلت منك... أنا دلوقت مش زعلانة خلاص...
ليست هناك تعليقات:
إرسال تعليق